CMWP tahliliy guruhi rahbari Aleksey Letunovskiy, Fransiya-O‘zbekiston Iqtisodiy Palatasi [CEFO] aʼzolari uchun eksklyuziv ravishda "Yangi Toshkent" loyihasi taqdimotini o‘tkazdi.
Taqdimot kompaniya bosh direktori Denis Sokolov ishtiroki va moderatsiyasida bo‘lib o‘tdi. Taqdimot doirasida yangi shaharning yangilangan bosh rejasi namoyish etildi, Aleksey "eski" Toshkent deb ataladigan hududning aholi zichligi bo‘yicha joriy ko‘rsatkichlari, tezlashgan urbanizatsiya tufayli poytaxt aholisining ko‘payishi prognozlari bilan o‘rtoqlashdi. "Yangi Toshkent" bosh rejasiga asoslanib, Aleksey turli funksional maqsadlarga ega zonalarning rejalashtirilgan taqsimoti haqida gapirib berdi: 6% muzeylar, kutubxonalar kabi madaniyat obʼyektlarini, 18% taʼlim va tibbiyot muassasalari, maʼmuriy binolar kabi ijtimoiy-jamoat obʼyektlarini, 31% tijorat ko‘chmas mulkni va 45% turar-joy ko‘chmas mulkni egallaydi.
Taqdimotdan so‘ng ishtirokchilar O‘zbekiston Respublikasi Vazirlar Mahkamasi huzuridagi "Yangi Toshkent" qurilish direksiyasi investitsiya departamenti boshlig‘i Ulug‘bek Yuldashevich Teshabayevga savollar berish imkoniyatiga ega bo‘ldilar, u Palata va CMWP jamoasining taklifiga binoan tadbirda ishtirok etdi.
Fransiya-O‘zbekiston Iqtisodiy Palatasi [CEFO] va Fransiya elchixonasi Commonwealth Partnership kompaniyasiga va "Yangi Toshkent" Investitsiya departamenti rahbari janob Ulug‘bek Teshabayevga, shuningdek, barcha ishtirokchilarga tashriflari va hissalaridan minnatdorchilik bildirdilar.
Foto: CMWP Uzbekistan
