Commonwealth Partnership maslahat beruvchi kompaniyasi Toshkent ofis mulklari bozorini ikkinchi chorakda tahlil qildi.
Hisobotda ekspertlar 2023-yilda topshirilishi rejalashtirilgan ofis mulklarining foydalanishga topshirilishi kechroq muddatga surilayotganini ta'kidlaydilar. Muddatlarning o'zgarishi ob'ektlarni foydalanishga topshirish tartib-qoidalarining murakkablashuvi va qurilishni tugatish muddatlarini noto'g'ri rejalashtirish bilan bog'liq.
Ijara beruvchilarning ofislar sifatiga bo'lgan talablari o'sishi bilan birga, bozorda taklif ham o'sadi, sifatli bo'lmagan loyihalar esa binolarga bo'lgan qiziqishni saqlab qolish uchun qayta rejalashtiriladi.
B va B+ toifali ofislar uchun ijara stavkalari dinamikasi 1% o'sish darajasida barqarorlashdi — kvadrat metriga 21,8 dollargacha. A va A+ toifali ofislar taklifining ko'payishi sababli, Commonwealth Partnership tahlilchilari yil oxirigacha stavkalarning o'sishini prognoz qilmaydilar.
Shu bilan birga, A va A+ toifali ofislar uchun ijara stavkalari ikkinchi chorakda 4,3% ga o'sib, kv.m uchun 34,6 dollarni tashkil etdi. Keyingi uch oyda ushbu segmentda tuziladigan shartnomalar sonining ko'payishi kutilmoqda.
Biroq, A va A+ toifali ob'ektlar uchun joriy stavkalar darajasi ko'rsatkichli emas, chunki hozirgi vaqtda faqat Trilliant biznes-markazi foydalanishga topshirilgan, shuning uchun keyingi chorakda ijara stavkalarining pasayishi bilan teskari dinamika mumkin.
O'tgan chorakda tayyor ta'mirlangan binolarga talab yuqori bo'lib, ushbu bozor sektorida bo'sh turgan maydonlar kamayishiga olib keldi. Barcha toifadagi biznes-markazlarda umumiy bo'sh turgan maydonlar 6,7% ni tashkil etadi. Shu bilan birga, keyingi yarim yilda ko'plab ob'ektlar foydalanishga topshirilishi bilan ijara beruvchi bozori ijara oluvchi bozoriga o'zgarishi mumkin.
B va B+ toifali ofis maydonlarida bo'sh turgan maydonlar darajasi 3,18% ni, A va A+ toifasida esa 17,41% ni tashkil etdi. A va A+ toifasida bo'sh turgan maydonlar kamayishi faqat kelgusi yil o'rtalarida boshlanadi.
Manba: Spot.uz
Foto: Ilya Semendeev / Spot
